Ṭhazual Lengzem Rpa Ralte 'Strawberry' a tui ber

Ṭhazual Lengzem chart-ah roreltu thar an awm. Tudang ngai loin Rpa Ralte 'Strawberry'  chu pakhatna a ni. Pahnihna chu Marina Ralte 'Nang kher ka lo tawn che' niin Feli Fanai 'Chhing mittui a hul lo zo ta' chu pathumna a ni.

Rpa Ralte 'Strawberry' a tui ber 

Ṭhazual award sem zawh taka hming langsar tak, 'I ṭang ka belh lai khan' hmanga Best songwriter award dawngtu Rpa Ralte chu a hming a la langsar chhunzawm zel a, Ṭhazual lengzem chart-ah pawh a hla 'Strawberry' hmangin pakhatna a rawn ni leh ta. 

Rpa hian Strawberry hi chart hmasaah khan pahnihna a nihpui a, tunah erawh dinhmun ṭha berah a rawn dinpui tawh a ni.  He hla hi October thlaa a tihchhuah kha niin music video light tak nen a tichhuak a, a music video-ah hian Miss Mizoram contestant zinga lawm hlawh tak tak pahnih Zuali leh Hlui te pawh inlanin MDC lam pawh an inlan bawk a, en pawh a manhla hle.

Mizo Idol star Marina Vanhriatpuii Varte hla 'Nang kher ka lo tawn che' chu pahnihna a ni a, chart hmasaah khan pathumna niin hma a sawn zel a, a dinhmun pawh a ṭha sawt hle. Folksong lam hla a tihchhuah deuh mawlh mawlh hnuah Marina hian 'Nang kher ka lo tawn che' hi a tichhuak a, hla lungkuai tak niin ngaihthlak hahdam tak a ni a, hma a sawn chak pawh hi a mak lo hle a ni.

Feli Fanai hla tih­chhuah thar ber, music video mit titlai tak nena a rawn herlum thar leh 'Chhing mittui a hul zo ta' chu pathumna a ni. Palina chu KR Robert ft. Tuaisiala 'Ka lalnu' kha niin Awmtea Polymer ft. Ramrami  'Hnungtawlh suh' chu pangana a ni bawk.

1     Rpa Ralte     - Strawberry

2     Marina Ralte     - Nang kher ka lo tawn che

3     Feli Fanai     - Chhing mittui a hul zo ta

4     KR Robert ft. Tuaisiala     - Ka lalnu

5     Awmtea Polymer ft. Ramrami     - Hnungtawlh suh

6     Jaui     - I hlutna

7     Sangkimi Khiangte     - Lianrikhumi Zai

8     Ngurthansanga     - Chalmar zai

9     Essy ft. JT Production     - Min ui lo mi

10     Rachel Lalnunkimi     - Di ṭhen lunglen