Album hnua Kroashia video hmasa ber

Kroashia chuan music video thar an rawn tichhuak ve leh ta. An music video thar hi 'Ka lawm e' tih a ni a, YouTube-ah Nilaini khan an dah chhuak ta der mai. He hla hi an album thar ber-a hla kha a ni.

Kroashia hian June thla khan album 'Sekibuhchhuak' chu an tichhuak a, hei hi an album puitling hmasa ber a ni. Kum 2002 khan extended play album 'When we collide' an lo ti≠chhuak tawh a ni. Sekibuh≠chhuak album-a hlate hi Mizo hla vek a ni a, hla hlui pathum an sa thar leh a, chungte chu Peter C. Lalrinmawia sak 'Lai chhuat an chhir' tih te, Vulmawi hla 'Chun leh zua' leh Lalrinmawii sak Birthday Lawmna hla te a ni. An album hi Alpha Medico, Civil Hospital Road-ah an zuar.

'Ka lawm e' tih hla hi Kro≠a≠shia-in album an tihchhuah hnua music video an tih≠chhuah hmasak ber a ni. He hla hi mimalin harsatna a tawh aṭanga a harhna thar lehna lampang hla a ni.