Enrique Iglesias a la chuai lo

Zaithiam lar ṭhin Enrique Iglesias hi mi tam tak chuan a chuai tawhah an ngai mai thei, mahse a la chuai awzawng lo. A la chuai lohzia lantirin Billboard chart-ah history a rawn siam.

Enrique Iglesias hi Wisin nena an sak dun, Duele El Corazon hla hmangin Billboard Dance Club Songs-ah pakhatna a rawn luah a, he chart-a pakhatna a luah vawi 14-na a ni. Heti hian mipa zaithiam zinga he chart-a pakhatna luah ngun ber a ni a, Dave Aude leh Pitbull te nen an innih rual.

Dance chart-ah hian pakhatna ni ngun ber erawh a ni lo. Enrique hi Lady Gaga nen an innih rual mek a, Gaga pawh hian vawi 14 pakhatna a luah tawh. Pakhatna luah ngun ber chu Madonna a ni a, vawi 46 pakhatna a luah tawh a, Rihanna-i'n vawi 27, Beyonce-i'n vawi 22 leh Jante Jackson-i'n vawi 19 te a ni.