James Bond-ah midum an hmang mai thei

Daniel Craig-a'n James Bond chan chhunzawm a tum tawh loh thu a sawi hnuah amah thlakna tur an la ngaihtuah mek a, tunge ni ang tih erawh a la chiang lo. James Bond-a chang thei tur awm ang hming dahho zingah midum, Idris Elba a tel.

Film siamtu Ron Howard chuan James Bond lema chang tur hian Idris Elba hi a ṭha hle ang tih a sawi; amahe≠rawhchu hemi avang hian Elba hi a ni ngei ang tihna erawh a ni lo. James Bond film chang thei tur zingah Elba bakah Michael Fassbender, Aifan Turner leh Tom Hiddleston te pawh an tel.

Elba film chan hnuhnun ber chu Eight Days A Week kha a ni a, movie pangngai chiah ni loin, The Beatles chanchin, documentary a ni deuh ber. Tunah hian movie a chang mek bawk a, chu chu Dan Brown-a lehkhabu ziak Inferno behchhana siam a ni a, Tom Hanks te nen an changho ang.