Women in Business Khawvela thiltithei ber Mary Bara
Fortune chanchinbu chuan khawvela sumdawnna huam chhunga hmeichhe thiltithei ber a thlang chhuak a, thiltithei ber hi Mary Barra a ni.
Zaithiam leh milar hmeichhe tam tak hian sumdawnna kawngah hma an zauh nasa hle a, mahse Fortune-in Women in Business Most Powerful Women a thlan chhuah zingah an lang lo tluk a ni. Milar hmeichhe zinga lang awm chhun chu Beyonce Knowles a ni.
Fortune-in hmeichhe thiltithei a thlan chhuah hi mi 51 an ni a, heng zinga 22 chu company chief executive officer (CEO) an ni a, nikum kha chuan 27 lai CEO an tel. Mary Barra chu hmeichhe thiltithei bera thlan a ni a, ani hi khawvela company lian berte zinga mi, General Motors-a an CEO a ni a, nikum pawh khan thiltithei bera thlan chhuah a lo ni tawh. General Motors hian USD tld 152.4 zet a sum lakluh zawng zawng a ni a, he company lian tak enkawl thei tur hi chuan mi thiltithei tak nih a ngai. Khawthlang ramten Russia an hrek avangin Russia-a an hmun an tihtawp a ngai a, hei ringawt pawh hi tlakhniam duai theihna a nih laiin, Mary Barra hnuaiah General Motors hian hmalam a pan zel.
Hmeichhe thiltithei ber pahnihna chu Indian chhulchhuak, Indra Nooyi a ni. Pepsi-a an CEO a nih bakah an chairman a ni bawk. Kum 10 zet he company-ah hian CEO a ni tawh a, tun thla 12 chhung tÍ mai pawh khan a enkawlna hnuaiah Pepsi Company hi 18% ngawtin an ṭhang thei. Khawvela sum leh pai bazarnaah Pepsi sum chevel hi USD tld 155 zet a tling.
US-a ralthuam siamtu company lian, Lockheed Martin-a an CEO, chairman leh president ni bawk Marillyn Hewson hi thiltithei pathumnaah a lang. Ginni Ro≠metty chu palinaah a hming a lang a, IBM-a an CEO, Chairman leh President a ni. Pangana chu Fide≠lity Investments CEO leh President Abigail Johnson a ni.
Zaithiam zingah Beyonce hi kan hmuh chhun a ni deuh mai. Fortune lam chuan "Kumin hi Beyonce-i tan kum ṭhat kum a ni. Billboard Top 100-a hmeichhe zinga pakhatna luah thei hla 12 lai nei hmasa ber a nih mai bakah, sumdawnna khawvelah huhang a ngahin, a hlawhtling hle a ni," an ti. Beyonce hi a hnung ber, 51-naah a lang.
Top 10
Mary Barra, CEO and Chairman of GM
Indra Nooyi, CEO and Chairman of PepsiCo
Marillyn Hewson, CEO, Chairman and President of Lockheed Martin
Ginni Rometty, CEO, Chairman, and President of IBM
Abigail Johnson, CEO and President of Fidelity Investments
Sheryl Sandberg, COO of Facebook
Meg Whitman, CEO and President of Hewlett Packard Enterprise
Phebe Novakovic, CEO and Chairman of General Dynamics
Irene Rosenfeld, CEO and Chairman of Mondelez International
Safra Catz, Co-CEO of Oracle