Shakira-in show cancel hnuah tour a chhunzawm

Pop icon Shakira chuan “Las Mujeres Ya No Lloran” tour a neih mekah, a damlohna avanga Pathianni zana Lima, Peru-a show a neih tur a cancel hnuin Thawhṭanni khan Lima-a National Stadium-ah a tour a chhunzawm leh nghal.

Shakira hian 67th Annual Grammy Awards-a 'Best Latin Pop Album' a lakpui, 'Las Mujeres Ya No Lloran' hmingin tour hi a nei a, hei hi hun rei tak hnuah tour lehna a ni.

Shakira hian a pum lam nawm loh avangin a doctor thurawn angin Pathianni zana show a neih tur hi a cancel a, a X kaltlangin a fan-te pawh a hriattir. " Pum lam harsatna ka tawh avangin damdawi-in a dah ka ni" a ti a, a hnuah damdawi-in aṭanga chhuakin Thawhṭanni zan khan a show hi a neih chhunzawm leh nghal a ni.