Roots Picnic 2025-ah D'Angelo, Lenny Kravitz leh Meek Mill

Hip hop group, The Roots in kum tina musical festival an buatsaih ṭhin, Roots Picnic chu May 31 leh June 1 hian Philadelphia-ah neih a ni leh dawn. He huna perform tur zingah hian D’Angelo, Lenny Kravitz, Meek Mill, GloRilla leh Latto te pawh an tel.

Ni hnih awh tur festival hi Fairmount Park-ah neih a ni dawn a, he hunah hian musician eng emaw zatin an album hrang hranga mellung pawimawh an lawm dawn. Jeezy chuan “Let’s Get It: Thug Motivation 101” kum 20 tlin lawmna a nei dawn a, Musiq Soulchild chuan a album hmasa ber, “Aijuswanaseing” kum 25 tlin lawmna a lawm bawk ang. The Roots chuan “Do You Want More? tih hla kum 30 tlin lawmna an hmang dawn bawk a ni. Zaithiam inlan tur eng emaw zat puan tawh niin, la puan chhunzawm zel tur a ni bawk.