Instagram-in feature thar enchhin

Instagram chuan post leh Reels-a comment-naah “dislike” button thar a enchhin mek a, hei hi comment ṭha lo tih tlem leh online environment ṭha zawk siam a tumna a ni.

Fetuare thar enchhin mek, dislike button hi a tam zawng lantir a ni lo thung. Instagram hotu, Adam Mosseri chuan dislike feature hian comment ranking algorithms tih changtlunna kawngah a pui dawn a, comment ṭha lo leh chhiar nuam lo tam tak a tlakhniamtir dawn a ni, a ti. Hei hian Instagram chu inbiakna ṭangkai zawka hman theihna kawngah a tih hmasawn beiseiin, inpawhna ṭha lote pawh a tih tlem phah bawk dawn a ni. Dislike button hi khawvel puma hman a nih hmain a hmangtu tlemteah enchhin phawt a ni a, nghawng a neih dan an enfiah hmasa ang a, chuta ṭang chuan mi zawng zawng hman theih tur leh tur loh chungchangah thutlukna an siam ang.