Fashion Fiesta

Kan naupan lai chuan School chawlh apiangin ṭhiante ho nen insawm khawmin, ke ngatin Bazarpui lam panin kan kal ṭhin a, chhungte hriatpui lem loh pawhin cheng khat mah nei lova kan vah chhuah lah a tam. Thil pawimawh ti tura chhuak pawh kan ni lem lo; nuam hi kan ti ve >m >m mai a ni. Nuam kan tih chhan >m >m mai pakhat zinga mi chu Dawrpui Bus Stand kan han pel a, kawng chhak lam Mapuii sam siamna dawr thlen hma si, naupang duhthusam tinreng kimna Leo Toys ngei mai kha kan kal pel hlei thei ṭhin lo kha a nia. Pawisa cheng khat mah nei lo pawhin hlate khua aṭangin en mai mai tur ringawt pawhin kan pan ṭang ṭang peih ṭhin. Mipa naupang lam chuan GI-Joe buaipuiin, hmeichhe lam duh erawh chu tunlai naupang mai pawh ni lo, nula leh nuho pawhina kan kalsan hleih theih loh kan hlimpui >m >m mai, Barbie ngei mai kha en turin kan kal ṭang ṭang ṭhin a nih kha. Vawiin thleng pawhin naupang mai ni lo, puitling lam pawh hian kan la lawm chhunzawm zel zawng a ni e. Chumi tichiang >m >mtu pakhat chu incheina khawvelah hial kan seng lut ta a, Zoram ṭhalai ten uar nachang la hre lem lo mah ila, khawthlang rama kan designer lian ten fashion week lian thamah te mi nawlpui hak theih tura an rawn duan chhuah tak avangin, thawmhnaw siamtu Company lian China lam ten khawvel zau zawka ṭhalaite inbel theih tura an siamchhuah meuh chuan keini hmarchhak kilkhawr a chengte hian kan lo uar ve leh ngei turah ngai ang.

Incheina khawvela rawn tilartu pakhat, Italian Fashion House lar leh mite hriat hlawh tak Moschino chuan Spring Summer 2015 collection atan Paris Fashion Week-ah an rawn pho chhuak a, nikum lamah Mc Donalds hawi zawnga collection dangdai tak kan hmuh kha a tawpna emaw kan tih laiin a bul ṭanna lek a lo ni a, runway-ah spongebob ziarang kan hmuh khan Jeremy Scott (Moschino Artistic Director) chuan ṭhalaite incheina a rawn thlak danglam hneh hle a. Kumin collection kan hmuh leh meuh chuan kan lo hmelhriat >m >m leh kan beisei loh takin Barbie zulzui thawmhnaw leh accessories te min rawn phochhuahsak a, mit a tlaiin fashion week boruak pawh a rawn thlak danglam hneh hle. He collection-ah hian Barbie ang thei tur berin Barbie trademark sam var vau mai te leh hmui leh kut tin hnawih senno phet phet te leh Leather Jacket senno vat te leh pawnfen chhing tii tei te, roller skate te nen plastic bag puar pip pep designer hming chuang te, kekawr bul chhing leh Mermaid Gown tle deuh phit phet te nen, purse love shape leh pheikhawk sang hmawr zum, Head band leh I-phone cover darthlalang inenna ang chi te, he Show-ah hian hmuh theihin a rawn pho chhuak a ni. Barbie pawh chi hrang hrang an siamchhuak ang hian he collection-ah hian Model-te bazaar kal ang te, Beach-a kal ang te, party-a kal ang tein an rawn inthuam a, entu mipuite mit a la hle nghe nghe a ni.

Moschino bakah Barbie mipa, Ken zulzui thawmhnaw chu designer lar ṭhenkhat ten an phochhuah hmuh theihin a awm. Chung zinga langsar zual ṭhalai thawmhnaw siamtu lar Punk leh Rock lampang uar tak mai Dsquared leh Etro ten a print ang zawngin an phochhuak a, Dior meuh pawhin Smart leh felfai takin van rawng pawl phet phet hmangin Suit nalh tak Ken inspired an rawn siamchhuak nghe nghe. Hei bakah hian tlema rawng lar ngaina tan Salvatore Ferragamo-in colour block hmangin Suit dangdai tak an siamchhuak bawk a ni.

Heng international designer te mai ni lo hian Brand lian Forever 21, Lord & Taylor leh Wildfox te nen Barbie siamchhuaktu Mattel company chuan inremsiamin Barbie Clothing line, naupang chauh ni lo, puitlingte pawhina an hak theih tur thawmhnaw siam chhuah hna an thawkho ta a ni. Forever 21 bik hian ṭhalai deuh hlekte duhzawng tur siamchhuah hna thawkin thawmhnaw mai piah lamah, bag leh bengbeh eng ilo vel te siam chhuakin, nikum November aṭang khan lei theih turin an phochhuak a ni. Lord & Taylor ve thung chuan tlema upa lampang deuhte tinzawnin mut kawr leh awmhmun hak an siam chhuak thung a, Wildfox erawh chuan Couture lam khawihin Barbie thawmhnaw ang design, mi pangngai hak theih turin an siam chhuak thung a, 80s chhoa an Gown hak ang ho kha an siamchhuak a ni. Heng bakah hian Nordstorm, Bloomingdales leh Revolve Clothing online site te chuan Barbie accessories hrang hrang lei theih turin an phochhuak bawk a ni. Tunah rih chuan Zawlkhawpui te lo la thleng chiah lo mah se online-a chah theih anih tho avangin a uar leh a tihmasatuah i lo ṭang dawn nia.

Tluangpuii Hmar
Instructress
Vakiria Institute of Fashion Technology