One in Christ Ropuina ramah an chuang

Kumin hi One in Christ tan chuan kum chhinchhiah tlak a ni. Hontrade International Ṭhazual Fakna chart-ah pakhatna luah thei hla pahnih an nei ta a, chu mai bakah album an tichhuak bawk. Zaithiam dang rawn lang rawn lang mah se, One in Christ bawkin pakhatna an rawn luah leh.

One in Christ hi Mizo group zinga kumina hlawhtling ber an ni ngei ang. Hontrade International Ṭhazual Faknaah an hla thar 'Min chhung khat leh
ṭhin' hmangin pakhatna an rawn luah. Tun hi kumina vawi li lai pakhatna an luahna a ni ta.

April 25 khan 'Ni thar' hla hmangin One in Christ hian pakhatna an rawn luah ṭan a, May 10 khan pakhatna an luah leh. He hla hmang vek hian May 23 khan pakhatna an luah leh a, vawi thum lai 'Ni thar' hla hmang hian pakhatna an luah a ni. An hlawhtlin hnu hian album an tichhuak a, he hla hi album an tihchhuah hmain TV-ah an pe a, chu chu tuna an rawn hlawhtlinpui hi a ni.

Tuna pakhatna hla 'Min chhung khat leh ṭhin' tih hla, One in Christ-in pakhatnaa an rawn chuankaipui hi Parema (R. Lalremruata) phuah a ni. Ani hian tunhnai khan ama hla phuahte album pakhata khung≠khawmin a tichhuak a, tuna One in Christ hlawhtlinpui hla pawh hi he album-a awm hi a ni. Pahnihna aṭangin pakhatnaah a rawn kai chho.

Cindy Lalramhlimawmi, a hmaa pakhatna luahtu chu pathumnaah a chhuk thla a, pahnihna dinhmun a luah zo lo. Pahnihnaah hian Stacy VL Muanpuii a rawn lang thung. Stacy hian hla pahnih hmangin Ṭhazual chart-ah hian pakhatna pawh a lo luah tawh ṭhin a, tuna a hla 'Hnehna hla mawi' hmang hian pakhatna a luah theih a beiseiawm viau. Pariatna aṭangin Andrew Laltlankima hla 'Nunna Thar' chu palinaah a rawn kai a, pakhatna pawh lo luah tawh Amtea hla 'Ka thlang ber che' tih chu pathumna aṭangin panganaah a chhuk.

Hontrade International Fakna 10 aṭangin Betea hla 'Ka tan i tuar' tih chu a chhuak a, Lal≠chhanhimi Palian hla 'Ka vui lo'ng nge' tih chu 10-naah a rawn lang thar.

Hontrade International Ṭhazual Fakna

1 One in Christ - Min chhungkhat leh ṭhin

2 Stacy VL Muanpuii - Hnehna Hla mawi

3 Cindy Lalramhlimawmi - Aw Thlarau Thianghlim

4 Andrew Laltlankima - Nunna Thar

5 Amtea - Ka thlang ber che

6 PBK Liankhuma - Ka chung rammawiah

7 Hlimhlimi - I pan ang u

8 Estheri Khiangte - Hmangaihna Hlu

9 Thelma - Isu i hnena awm ka duh

10 Lalchhanhimi Palian- Ka vui lo'ng e