A vawi khat nan pakhatnaah Travis Scott

Billboard album chart-a pakhatna luah hi thil harsa tak a ni a, zaithiam lar tak tak leh hlawhtlinga kan ngaihte pawh hian pakhatna hi an luah mai mai thei lo. Travis Scott pawh hi larin, music
aṭangin sum tam tak lalut tawh mah se, Billboard album chart-ah hian pakhatna a la luah ngai lo. A vawi khatna atan tun ṭum chu Travis Scott hi pakhatnaah a lang ve ta.

Travis Scott-a studio album pahnihna 'Birds in the Trap Sing McKnight' chu kar liam ta chhung khan copy 88,000 hralhin pakhatna a luah a, kar liam ta chhunga album hralh hnem ber a ni. Travis Scott hian he album hi September 2 khan iTunes aṭangin a tlangzarh. He album a hralh zinga copy 53,000 hi album pangngai a ni a, a bak hi chu album tlukpui a ni.

Billboard-in a chhinchhiah dan chuan Travis Scott-a album thar hi iTunes aṭang chauha tlangzarh, pakhatna luah thei album pangana a ni. A hmaa pakhatna lo luah tawhte chu Frank Ocean te, DJ Khaled, Drake leh Future te an ni.

Pahnihnaah hian A Day to Remember's album 'Bad Vibration' a ni. He album hi kar liam ta chhung khan copy 67,000 an hralh a, he album pawh hi A Day to Remember's tan chuan an album thleng sang ber a ni. A hmaa an album tih≠chhuah khan 11-na a thleng thei chauh. Drake chu pathumnaah a la awm a, a album 'Views' chu kar liam ta chhung khan copy 60,000 lai a la hralh thei cheu.

Billboard Hot 200

"Birds in the Trap Sing McKnight" - Travis Scott (88,000)

"Bad Vibrations" - A Day to Remember's (67,000)

"Views" - Drake (60,000)

"Suicide Squad: The Album" - Various Artists (55,000)

"Dig Your Roots" - Florida Georgia Line (42,000)

"Encore: Movie Partners Sing Broadway" - Barbra Streisand (41,000)

"Blurryface" - Twenty One Pilots (more than 30,000)

"Anti" - Rihanna (30,000)

"Lemonade" - Beyonce Knowles (nearly 30,000)

"Blonde" - Frank Ocean (29,000)