'Sully'-in beisei a pha e

Tom Hanks channa 'Sully' chuan beisei a pha a, North American box office aṭangin sum a lalut hnem ber.

'Sully' film hi thlawh≠theihna chetsual chung≠chang a ni. Tom Hanks chu he film-ah hian pilot lemah a chang a, an chuan≠na thlawhtheihna chu sava nena a insut avangin an buai hle a, chu thlawh≠theihnaa chuang mi tam takte nunna chu Tom Hanks kutah a innghat. Theih≠tawpin Tom Hanks hian a bei a, him takin thlawh≠theihna hi a ṭum thei ta a ni. Sully film hian kar tawp chhung khan USD mtd 35.5 zet a lalut thei.

Sully hi September thlaa movie tihchhuahah chuan hlawhtling pawl tak a ni. USD mtd 35.5 lalut thei hi September thlaa movie tihchhuah tawh zinga sum lalut hnem ber pangana a tling thei hial. He film hi Clint Eastwood-a direct a ni a, ani direct tawh movie zing≠a opening week-a sum hmu hnem ber a ni. He film entu zinga zaa 39 te chuan an enna chhan ber chu Tom Hanks channa a nih vang tih an sawi.

When the Bough Breaks film chuan USD mtd 15 lalutin pahnihna a ni. He film hi thriller lam a ni a, film siamtute chuan Oscar an beisei ngawr ngawr vanga siam an ni lo a, siam an ch‚k avang zawka siam a ni tih an sawi.

Don't Breathe chu pathumnaah a tla thla a, USD mtd 8.2 a lakluh belh leh. Suicide Squad chu palinaah a awm a, USD mtd 5.7 lalut lehin, hengte nen hian North America-ah ringawt USD mtd 307 lalut tling tawh.

Box office movie

"Sully" - $mtd 35.5

"When the Bough Breaks" - $mtd 15

"Don't Breathe" - $mtd 8.2

"Suicide Squad" - $mtd 5.7

"The Wild Life" - $mtd 3.4

"Kubo and the Two Strings" - $mtd 3.2

"Pete's Dragon" - $mtd 2.9

"Bad Moms" - $mtd 2.8

"Hell or High Water" - $mtd 3.6

"Sausage Party" - $mtd 2.3