Miley Cyrus nau music khawvelah a hnai

Miley Cyrus te chhungkua hi an pa ber aṭanga zai≠thiam an nih avangin zai lamah talent an nei ṭha hle a nih hmel a nau pawhin music contract a nei thar.

Miley Cyrus nau hi Noah Cyrus a ni a, Noah hian tunhnaiah music contract thar pahnih a nei niin TMZ chuan a tarlang. Kum 16 mi Noah hi recording label pakhat, a hming tarlan loh chuan contract a ziahpui a, chutah chuan album a siam ang a, chu bakah chuan hla a phuah bawk ang. Album siam tura inrempuina an siamah Noah hi USD nuai hnih an pe a, hla phuah tur hian USD nuai khat an pe bawk. Album a tihchhuah hi a hlawhtling viau a nih phei chuan Noah hian USD mtd 1.5 a phut belh thei ang.