Katy Perry-i'n ngaihdam a inpeih

Taylor hian ngaihdam a dil chuan ka ngaidam ang

Katy Perry

Hun eng emaw kalta aṭang khan Katy Perry leh Taylor Swift te hi an inngaina lo hle tih tarlan ṭhin a ni tawh a, a dik ngei. He an inkar buaina chingfel turin Katy Perry a inpeih a, Taylor Swift hian ngaihdam a dil chuan a ngaidam thei tih a sawi.

Katy Perry chuan, "Taylor Swift hian 'ka tih palh' a tih chuan ka ngaidam ang," a ti. Taylor Swift tan erawh "Ka tih palh" tih chu a harsa ve khawp ang; an inngeih lohna rawn irh chhuahna nia lang chu Katy Perry thiam loh zawk a nih hmel si. Amaherawhchu chumi hma chuan eng emaw a thleng tawh a, Taylor Swift hian bul a lo ṭan tawh zawk reng pawh a ni mai thei.

Perry leh Swift inkar khi rawn irh chhuahna nia lang chu Katy hian Taylor-i back-up dan≠cer a sawm chhuah ruk
aṭangin a ni. Kum 2013 khan Taylor Swift chuan Red World Tour a nei mek a, hetihlai vel tho hian Katy Perry pawhin Prism World Tour a nei. Prism World Tour atan hian Katy hian Taylor-i back-up dancer pathum chu a lo sawm chhuak ru a, hei vang hian an inngeih lo ta hle a ni.

An inkar boruak tichhe zual turin Taylor Swift-i'n hla a phuah zui. Rolling Stone chanchinbuin Taylor Swift a kawmnaah Swift chuan 'Bad Blood' hla kha a hmelma pakhat, a tour tihchhiat a, tih-flop-sak tum a phuahna niin a sawi. Taylor Swift-i dancer sawm chhuah ruk chung≠chang Katy Perry an zawh chuan Katy hian a chhang duh lo.

An inngeih lohna tilangtu pakhat chu Calvin Harris a ni. Taylor Swift nena an inṭhen hlim khan Calvin Harris chuan Katy ang mai phum a tum niin a sawi.