ASAP Rocky in thiam chang

Los Angeles court chuan Thawhlehni khan rapper ASAP Rocky chu a thubuai pahnihah thiam chantir a ni. Kum 2021-a Hollywood-a ṭhian hlui bei nia puhnaah hian thiam loh chang se chuan kum 20 chuang lung in tantir theih a ni.

ASAP Rocky, a hming tak Rakim Mayers hian November 6, 2021 ah Hollywood kawthlerah 9mm semi-automatic pistol hmangin a ṭhian hlui a kap niin , Terell Ephron chuan a puh a ni. Mahse Mayers hian a puhna a pha thung. Kar tam tak chhung a thubuai hi ngaihtuah a ni a, Thawhlehni khan thiam chantir a ni ta a ni. Mayers hi zaithiam Rihanna nen inkawpin fa pahnih an nei. A thubuai ngaihtuahnaah pawh hian Rihanna hian a thlawp ṭha hle. Thawhlehnia thutlukna puan dawnah pawh an fate pahnih, kum hnih mi RZA leh kum khat mi Riot hruaiin court-ah hian an awm ve a ni.