Mizo Dance Camp zawhfel a ni

Thla khat chhung awh Mizo Dance Camp chu Zirtawpni zan khan zawh­fel a ni a, hemi zan hian a kharna, MDC Show­case chu Vanapa Hall-ah neih a ni.

MDC 2015 Show­case-ah hian June 1 aṭanga July 2 chhunga Mizo Dance Camp-a lam zir ten an thil zir hrang hrang an entir a, hei bakah hian a zirtirtute leh MDC Team ten Show hmuhnawm tak an pho chhuak. Kumina Scholarship Audition an buatsaiha tlingte aṭangin MDC Team member tur pariat an lakluh belh.

Showcase ah hian Con­­temporary, Kids Cho­­reography, Latin Ball­­room, Popping, Hip Hop Lyrical leh Com­mer­cial, B-boying leh Jazz dance styles te entir a ni a. Mipui te lawm hlawh ber chu a tawpa MDC Artists ten K-Pop dancer an cover chu a ni. Anni hian Big Bang-Bang Bang Bang dance an cover a, an video hi Arirang TV a Showbiz Korea-ah feature a lo ni tawh. He dance cover hi K-Pop Festival lo awm tur atana entry a ni.

MDC hian regular class a hawng ṭan dawn a, tunkar aṭang hian buat­­saih ṭan a ni ang a, Thawhlehni leh Zir­tawp­niah Contem­porary Bal­let a awm ang. Nilai­ni leh Zirtawpniah Hip Hop a awm ang a, hei hi thla bia kalpui tur niin, thla khat fee hi Rs. 500 a ni rih ang a, tun thla chhung atan registration fee a awm rih lo ang. Hei bakah hian kum 23 chung lam tan Dance Fitness class hawn an tum bawk.

Mizo Dance Camp hian kumin atana an main event 2015 zo rih mah se, Dance Work­shops an nei chho reng dawn. August thla hian To­ronto, Canada Dance Theater-a lâm zir mek Joshua Sailo chuan, Canadian dancers dangte nen tour neih pahin Contemporary Work­shop an buatsaih dawn a, kar khat awh tur a ni ang.