March 7-ah Ibrahim Ali Khan channa 'Nadaaniyan' chhuak dawn

Bollywood star, Saif Ali Khan-a fapa, Ibrahim Ali Khan-a film hmasa ber, 'Nadaaniyan' chu March 7 hian Netflix-ah pek chhuah a ni dawn ta. He film-ah hian Boney Kapoor leh Sridevi-te fanu, Khushi Kapoor nen an chang a, Gen Z romance a ni.

'Nadaaniyan' hi Shauna Gautam direct niin, Karan Johar-a produce a ni. Kuina Netflix-a India film chhuak tur zinga nghahhlelhawm ber pawl a ni. A teaser pawh tih chhuah tawh niin, hetah hian kum 27 liam taa mi, 'Kuch Kuch Hota Hai—Pyaar kya hai?' dialogue ang kha an rawn hmang. He film-ah hian Mahima Chaudhary, Suniel Shetty, Dia Mirza, leh Jugal Hansraj te pawhin role pawimawh tak an chang.