Martin Scorsese crime movie-ah The Rock, Leonardo leh Emily Blunt

Quintessential crime drama hmanga hriat, director lar tak Martin Scorsese chuan Hawaii organized crime movie a siam dawn. A project tharah hian Dwayne "The Rock" Johnson, Leonardo DiCaprio leh Emily Blunt te an chang dawn.

Dwayne Johnson hi mob boss ah a chang dawn a, island-a underworld thunun tumin crime pawl a bei a ni. A original idea hi Dwayne Johnson leh Emily Blunt te thawh a ni a, producer an ni bawk ang. He film thar hi veteran director Scorsese leh DiCaprio te hi a hmain an lo thawk dun fo tawh a, "The Wolf of Wall Street", "Gangs of New York," leh "Killers of the Flower Moon" a an thawh dun hnuah project tharah hian Johnson leh Blunt an rawn inlan ve dawn ta a ni. Emily Blunt leh Dwayne Johnson hi 'Jungle Cruise' ah an chang dun tawh a, hei bakah A24 MMA drama chhuak tur, 'The Smashing Machine' ah an chang dun bawk.