Selena Gomez leh Gracie Abrams ten MV ti chhuak

Selena Gomez, Benny Blanco leh Gracie Abrams te chuan an thawh hona thar, 'Call Me When You Break Up' music video an ti chhuak. He hla hi Gomez leh Blanco-te thawh dunna album thar tur, 'I Said I Love You First' ami a ni a, album hi March 21 hian SMG Music/Friend Keep Secrets/Interscope Records kaltlangin tlangzarh a ni ang.

Gomez chuan Abrams leh a pasal hual, producer lar Benny Blanco te nen an thawk ho thei chu a phur thu a sawi. A hmain album thar ami tur vek, “Scared of Loving You” an lo ti chhuak tawh bawk. 'I Said I Love You First' album hian Blanco leh Gomez-te inkara inhmangaihna a rawn pholang a ni. Kum 36 mi, record producer Benny Blanco leh Selena Gomez hi hun eng emaw chen an inkawp hnuah December 7, 2023 khan Gomez hian a social media kaltlangin an inzawmna chu mipui hriatah puang chhuakin, kum khat hnu December 2024 khan an inhual thu a puang bawk.