Mizo Idol Zaninah a tla kan hriat belh leh dawn

Lalremruati kan ṭhen tawh a, tunge Thawh­lehni zan intihsiak aṭang khan tla leh ang? Zaninah a chhanna kan hmu ang.

Mizo Idol 2015 chu mi an tlem tial tial a, ṭan a na tial tial a, zaninah pakhatin an tlem belh leh dawn. Zanin hian Top 7 Result an puang a, top 6 te'n intihsiakna an neih chhunzawm lehnghal dawn a ni.

Top 7-ah hian James Lalruatsanga, Lal­biak­mawia, Lalremruata, Ra­chel Lalnunkimi, Rebecca Zorintluangi, Thawh­leh­na­niropuia leh Wil­kinson B. Khuhly te an la awm a, Thawhlehni zan khan an intihsiak a, result an puang a, tu emaw hi a tla dawn. Zanin intihsiakah hian Angela Lalremtluangi, Lawmi Khiangte leh C. Lalrindiki (Didiki) te guest artist an ni ang a, anni hi Mizo Idol aṭanga Zoram khawvelin kan hriat an ni.