October-ah Zenfone 3 beisei

Asus lam chuan thuchiang an la sawi lo a, amaherawhchu chanchinbu tam tak chuan Asus hian tun October thla hian India-ah an ZenFone 3 an tlangzarh dawn niin an tarlang. A ṭhen phei chuan October 20 hi niin an sawi.

ZenFone 3 hi May thla khan Asus chuan an lo phochhuak tawh a, a hmai a hlai ṭha pangngai a, inchi 5.7-a hlai tur a ni. A resolution hi a ṭha a, 1080 x 1920 pixel a ni a, Android 6.0.1 a hmang ang a, Zen UI 3.0-a thuam a ni.

Rawng chi hnih - rangkachak rawng leh tangkaraw rawngtea tihchhuah a ni ang, A RAM a ṭha dawn hle a, 6 GB lai a ni dawn a, internal storage pawh 64GB tur a ni a, chuan microSD card a la vuah thei bawk dawn.

A camera pawh a ṭha viau ang, 23 MP zet a ni dawn a, a hma lam camera thung hi chu 8 MP a ni ang. A pixel a san mai bakah hian a fiah a, a ṭhat a, a mawi lehzual theih nan optical image stabilizer te, laser auto-focus leh RGB colour sensor te nena thuam a ni. A tui hi 3,000 mAh a ni ang a, lak thlak theih loh tur chi a ni. India ramah hian Rs. 49,500
aṭanga 51,000 inkar vel man tur a nih beisei a ni.