Model ni pha lo chunga model hlawhtling Cara Delevingne
Forbes-in model sum lalut hnem a tarlan zingah Cara Delevingne hming kan hmu a, model hlawhtling zingah chhiar a ni. Catwalk mai bakah endorsement hrang hrang aṭangin sum a lalut hnem. Hetiang taka model hlawhtling hi ni mah se, model ni tura criteria an siam a pha lo a, d‚wt (thil dik lo) chung model ni ta a ni; mahse a hlawhtling tho si!
Model ni tur hian agency tam takin s‚n lamah ft. 5 leh inchi 9 an duh deuh vek a, mahse Cara Delevingne erawh khawthlang model ni tur chuan a hniam lua deuh a ni. Ft. 5 leh inchi 7 chauha sang a ni a, (ṭhenkhatah chuan ft. 5 leh inchi 8 anga tarlan a ni bawk), model a ni thei lo ṭÍp. Mahse a agency ten an duhsak hlauh a, ft. 5 leh inchi 9 tiin a s‚n lam hi an report a, model a ni ve ta chauh a ni.
Model hi ni ta lo mah se, Cara hian a pawi ti vakin a rinawm loh. A zaithiam a, lemchan a thiam bawk si a, hengte chauh pawh hi hlawhtlinpuina tham a ni. Enchantress-ah khan a chan thiamzia kan hmu tawh a, Suicide Squad-ah a rawn lang leh bawk a, a hlawhtling leh hle bawk. Music lamah pawh a theuneu lo hle a, talent ṭha tak a nei. Drum a vaw thiam a, guitar a perh thiam bawk. Album pawh pahnih lai a tichhuak tawh a ni.
Kum 1992, August 12-a piang Cara Delevingne hi tunlaia Britain model hlawhtling ber zinga mi a ni. He London nula hi kum 10 mi a nih aṭangin modelling lama a ring a rawlh ṭan a, Vogue Italia chanchinbuah a lang thei tawh a ni. Kum 2009 khan Storm Model Management hnuaiah a inziak lut a, a lar chhuahna tak chu kum 2012-a designer hlawhtling, Christopher Bailey-a luxury fashion house, Burberry aṭangin a ni.
Modelling industry-ah hlawhtling mah se, Cara-i thil ch‚k ber chu record label neih a ni. "Hausa ila chuan keima puala record label neih ka duh," a ti. Eizawnna lamah chuan a rilruah music a la lang lian ber fo a, mahse a nuam tihzawng chu Call of Duty game khelh a ni thung. Call of Duty-ah chuan Caradele tih hming a hmang ṭhin. Khawthlang rama mite kum an tlin chuan anmahniin an inenkawl a, an indang ṭhin. Cara erawh chu tun thlengin a nu leh pa bulah a lawm.