Rihanna-i'n album thar ti chhuak dawn

Barbadian singer, businesswoman leh actress Rihanna, a hming tak Robyn Fenty chuan a album 'Anti' a tih chhuah aṭanga kum 10 dawn liam hnuah, music thar nghahhlelhawm tak tih chhuah tur a neih thu a sawi.

Kum riat chhung studio-ah a insawrbing hnuin, a album thar tur chu eng ang nge ni se tih a duh tih a hrechhuak ta niin Rihanna hian a sawi. A music thar hi beisei ang a ni dawn lo tih sawiin reggae music a ni dawn tih thuthang awm chu thudik lo a ti a, a music thar hian genre a nei lo tih a sawi bawk. Mahse Rihanna hian a album thar tur timeline leh title chungchang chipchiar takin a la sawi lo thung. Grammy Award eng emaw zat lo dawng tawh, Rihanna hian kum 2003 khan a career bul a ṭan a, a hla Umbrella,'Shut Up And Drive' leh 'What's My Name?' hmangin khawvel a lo fanchhuak tawh a, tun hnaiah rimawi khawvel chawlhsan mah se a make-up leh skincare brand-ah a buai hle thung.