'Chhaava' film-in sum la lut hnem

Bollywood film, hmanlai Maratha lal ram roreltu pahnihna chanchin behchhana siam, 'Chhaava' chu tih chhuah a nih aṭanga che ṭha nghalin record thar a siam.

Vicky Kaushal channa, 'Chhaava' February 14-a theater-a tih chhuah a nih aṭanga ni 10 chhungin sum a lalut hnem nghal hle a, kar hmasa khan North American box office-ah pawh sum lak luh tam lamah 10-na a hauh pha a ni. Tunkar chhungin Rs vbc 400 a lak luh hman beisei a ni. He film-ah hian Vicky Kaushal bakah Rashmika Mandanna changin, Marathi thawnthu Shivaji Sawant ziah aṭanga lak a ni. Maddock Film hnuaiah Laxam Utkar chu director niin, Dinesh Vijan-a'n a produce bawk. Chhaava hian India-ah ni kua chhungin Rs vbc 286.75 la lut in, khawvel puma a lakluh zat hi Inrinni liamta thleng khan Rs vbc 343.35 a tling tawh.

Chhaava film hian kar tharah sum a lak luh belh rin a ni a, Hindi film hit 'Stree 2' in kar hnih chhunga Rs vbc 400 a lak luh chu kar tharah hian a khum theih rin a ni.