Samuela Chhangte A music video pathumna

Aw p‡ leh nalh sawi dawn ila sawi hmaih hauh loh tur Samuela Chhangte chuan music video thar a peih leh ta a, TV lamah pawh kan hmuh zui thuai a rinawm.

'Lungrun' tih hla hmanga Ṭhazual Lengzem chart-a pakhatna pawh lo luah tawh Samuela Chhangte chuan a lung≠run kha 'Ka hmangaih reng ang che' tiin a rawn ˚m zui. He music video hi Samuela'n mimal taka music video a siam pathumna a ni a, hei bakah hian Sangkimi Khiangte nena an sak, thlan hlawh pawl tak 'Inṭhen lawng' an lo tichhuak tawh bawk.

'Ka hmangaih reng ang che' tih hla hi nupa inhmangaihna lam hla a ni a, ngaihthlak man hla tak tur a ni. Samuela Chhangte hian a sa thiam leh dawn tih a hriat reng mai. MDM Library-ah dah a ni tawh a, reiloteah en theih a ni thuai ang.

'Ka hmangaih reng ang che' tih hla hi Jonathan Hmingthantluanga phuah a ni a, Jonathan Home Records-a record a ni. A hla hmasa pawh kha Jonathan-a phuah tho hi a ni. Video hi Tea Video Production-in a khawih a ni a, a shoot-na hmun hi Thenzawl a ni a, a nalhin a video pawh a hmuhnawm hle dawn.

Lengzem huang chhung≠ah chuan Samuela Chhangte hi a thleng sang pawl tak a ni. Ṭhazual Awards 2016-ah khan Best Artist Lengzem Mipaah nominee a ni phak a, chu bakah MDM Audio House-in MDM Audio Chart a tihchhuah≠ah khan, hla hralh hnem pawl tak a tling.

Samuela Chhangte hi kum 2013 Mizo Idol-ah khan kan hmu a, hemi
ṭum hian Top 20-ah a inhlangkai. Idol-a a inlan hnuah 'Rinawmin' tih music video a tichhuak a, hemi hnu hian a hit-pui em em 'Lungrun' a ti≠chhuak leh a, he hla hi Ṭhazual chart-ah vawi hnih lai pakhatna a ni nghe nghe. Lungrun a tihchhuah hnu hian, nikum khan Sangkimi Khiangte nen music video 'Inṭhen lawng' an tichhuak a, he hla pawh hi Ṭhazual 10-ah a lang phak.