Pokemon Go khuahkhirh turin thlen
Gujarat High Court-ah Pokemon Go game chu khuahkhirh a nih theih nan PIL pahnih thehluh a ni. Pakhat zawk hi Anil Dave-a thehluh a ni a, he game hian sakhaw mite rilru a tina thei tiin PIL a thehlut a, pakhat dang chu Sanjay Chau≠dhari niin, mipui van≠tlang himna atan a ṭha lo a ni a ti. Heng PIL pahnihte hi October 12 hian ngaihtuah a ni ang.
PIL-ah hian Iran, Vietnam leh Africa-a ram
ṭhenkhatten an khap thu ziak a ni a, hei bakah hian Australia, Japan, US leh Russia-ah te chuan he game khelh avanga dan bawhchhiate chungah na taka action lak an tum thu an sawi chhuak tihte tarlan a ni. PIL-ah hian Thailand-ah chuan sakhaw hmun, vantlang hmun leh mimal office, tuikawng, rail kawng, kawngpui leh wildlife sanctuary-ah te he game hi khelh theih loh turin hma an la nia tarlan a ni bawk.