Fifty Shades Darker trailer entu an tam

Fifty Shades of Grey chhunzawmna tur film, Fifty Shades of Darker chu a chhuah hma hauh aṭangin a trailer ringawt pawhin en a hlawh. Movie trailer tihchhuah tawh zinga entu ngah ber a ni der mai.

Thawhlehni aṭang khan Fifty Shades of Darker movie trailer hi dah chhuah ṭan a ni a, Universal-in a tarlan dan chuan darkar 24 chhungin a trailer hi vawi maktaduai 114 an en. A hmaa darkar 24 chhunga movie trailer entu ngah ber ni ṭhin chu Star Wars film pasarihna, The Force Awakens kha a ni a, darkar 24 chhungin vawi maktaduai 112 en a ni.

Fifty Shades Darker trailer vawi maktaduai 114 en a nih zinga vawi maktaduai 39.4 hi US
aṭanga en a ni a, a bak, maktaduai 74.6 hi ram 30 aṭangin a ni. UK-ah vawi maktaduai 18.9 en a ni a, Brazil-ah vawi maktaduai 12.4, France-ah vawi maktaduai 9.8 en a ni. He film hi February 10, 2017 hian US-ah chuan chhuah ṭan a ni ang.