Adele-i'n tour bansan a tum

British zaithiam Adele chuan tour neih tawh rih loh a tum thu a sawi chhuak. The Sun chanchinbuin a tarlan dan chuan Adele hian chhungkua hun tam zawk hman a duh avangin kum eng emaw ti chhung chu music tour neih tawh loh a tum a, kum sawm emaw vel lai pawh a ni mai thei.

Adele hian tunah hian tour a nei mek a, a tour hi November thlaa tawp tur a ni. Chutihrual chuan a fapa, kum 3 mi, Angelo pawh a lian ve tawh hle a, nakkum aṭangin sikul a kal tawh dawn. Sikul a kal tawh chuan a tour-ah a hruai thei tawh dawn lo a ni. Adele-i'n a ngaih pawimawh ber chu Angelo hi a ni a, Adele hian a fapa ṭang chho zel hmu loa awm a duh lo nia tarlan a ni.