A thil tih sual thai bo tura a dilnaah wahlberg a inchhir leh

Police-a a thubuai neih, rawlthar a nih laia mi hru bo turin kum 2014 khan Mark Walhberg chuan police-te hnenah ngenna a thlen a, hemi avang hian beihzui a hlawh hle. A film thar tihchhuah tur chungchanga an kawmnaah Wahlberg chuan police hnena a thil ngen avang khan a inchhir hle.

Wahlberg hi kum 16 mi lek a nih laiin Vietnamese pahnihte chu Asian mi an nih avangin kut a thlak a, hei vang hian ni 45 lai jail-ah a t‚n phah. He a thubuai hi tlak tawh mah se, thubuai ziaknaah chhinchhiah reng a la ni a, chuvang chuan Wahlberg hian thai bo a, ngaidam tawh turin Dorchester police-te a ngen a ni. A ngenna siam hian mi tam tak a tithinur a, Asian-American activist-te chuan nasa takin an sawisel nghe nghe. Sawiselna a nasat avang hian Dorchester police-te chuan a ngenna thlen hi an pending a ni.

Wahlberg-a channa thar, Deepwater Horizon film chungchangah amah hi an kawm a, chutah chuan police hnena a ngenna thlen avanga a inchhir thu a sawi chhuak. Tunah chuan kha thil thleng kha midangte zirtirna hmanruaa hman a tum tawh thung. Khatianga ngaihdam dilna a thlen nachhan a sawiah chuan thurawn an pek dik loh vang a ni a ti. Khatiang pawikhawihna kha tunlai thlenga la thleng thei a ni a, a thlen lohna turin a thil tawn tawh chu entir nana hmanga midangte zirtir tawh a tum.