Shia LaBeouf A nun tlakchhiat chhan chu zu
Transformers film aṭanga actor hlawhtlinga rawn chuangkai thei Shia LaBeouf hi a hlawhtling chho dawn chauh a, a nunin tlakhniam lam a pan leh a, hmingchhe takin a awm phah. Hetianga a awmna chhan ber chu Zu a ni.
Shia LaBeouf hian zu avangin hmingchhiatna a tawk nasa hle. Kum 2014 khan Broadway-a Cabaret perform laiin buaina a siam a, man a ni. Hemi hnu pawh hian zu ruih buai avangin man a ni leh bawk. Hengte avang hian zu avanga enkawl ngai tiin court chuan hremna a puang a, enkawl a ni a, hetianga enkawlna hi nikum khan a zo a ni.
Zu avanga a harsatna tawhte tunah chuan a bansan a, zu a nghei ta. Enkawlna a zawh aṭangin tun thlengin zu a la in leh chhin lo, a insum thei hle. Enkawl a nih hnu hian, tun thlengin Alcoholics Anonymous inhmuhkhawmnaah a la kal ziah a ni.
Zu a in laia a awm dan LaBeouf chuan a sawi a, "Zu ka in ṭan a, zu ka in aṭang chuan keima nihna aiin ka inhmu hniam chho thuai a, kan nih tur aia ringin ka
ṭawng chhuak bawk," a ti. Zu a in aṭangin a dinhmun a hniam tial tial a, amah ngei pawh a i inhmutling zo tawh lo a, chu mai bakah zu avangin p‚wr tak taka au a chin thu a sawi a ni.
A khawngaihthlak ang reng a, a naupanlai aṭangin hetiang, ruihtheih thil vel hi an inah a mikhual lo. A pa hian zu mai bakah ruihhlo dang pawh a ti ṭhin a, chu chuan amahah a chhe lamin a nghawng ti ila kan sawi sual lo ang. "Kan in chhung hmun tin maiah hian ruihhlo hmuh tur a awm a ni. Marijuana, cocaine, heroin te chu a let rem rum ṭhin," a ti.