Ṭhazual Lengzem: Manuna 'Vawng Reng Na'nge' hun a thleng

Ṭhazual Lengzem chart-ah roreltu thar an awm a, chu chu tudang ni loin Manuna 'Vawng Reng Na'nge' a ni a, Pahnihna chu Rebecca Saimawii 'Ka lung damna' ni thungin DJ-i 'Valmawi' chu pathumna a ni.

Manuna hian 'Vawng Reng Na'nge' hi thla hnih liam ta velah khan a ti chhuak a, Ṭhazual chart-ah pawh a inlan hma hle. Rei loteah Top 5-ah a in hlang kai a, chart hmasa leh a hmasa lehah phei kha chuan pahnihna ve veah awmin tunah erawh No.1 a rawn ni ta a ni.

'Vawng Reng Na'nge' hi hla ngaihthlak nuam tak a ni a, Manuna hian music video a uluk ṭhin bawk a, music video pawh a hmuhnawm a, mit leh beng a titlai hle.  

Vanlalruata Sailo hla phuah hi char-ah a dinhmun ngaiah a la ding dawn em tih hriat a chakawm tawh hle a, chart-a hla ṭha tak tak intlar thla dul kara pakhatna a ni thei erawhin ngaihhlut a hlawh zia a tilang chiang viau a ni.

Hun eng emaw chen zai lama thawm a neih loh hnuaah a rawn  come-back a ngaih hlut hlawh lehnghal tak Pi Makuri hla 'Ka Lung Damna' chu Ṭhazual chart-ah pahnihna a ni a, chart hmasa khan palina niin tunah erawh pahnihna a rawn ni ta. Dinhmun ṭha lehzuala ding tur pawhin hmabak a nei eng hle.

Dj-i chuan a hla thar 'Aw Valmawi' chu a thlen san chakpui hle a, a tihchhuah hnu lawkah parukna niin tunah erawh pathumnaah a rawn invawrh pui nghal der. Chutiang bawkin Kimkima pawhin a hla thar sawi hlawh tak mai 'Leikapui run ka bel' chu palinaah a rawn inhlankaipui der bawk.

Tunṭum chart Top 10-a rawn inhlangkaite hi Mizo zaithiam zinga a 'top' ṭhiau an ni. RPA Ralte 'Strawberry' chu pangana a ni a, Top 10-ah hian Marina Varte, Feli Fanai leh Awmtea Polymer-te pawh an la awm a ni.