Eglaim band hla thar tur 'Home'
Fam ta R Lalremruata'n (Parema) kum 2016-a a din Eglaim chuan hla thar 'Home' an tichhuak dawn.
Eglaim member-te hi Khatla venga cheng vek niin St. Paul's Higher Secondary School-a an luh laia indin an ni a, kum 2017 khan 'Ropui Ber' tih hla lo tih chhuak tawhin zirna lama insawrbing an duh avangin an reh deuh vang vanga, tunah erawh hla thar nen an rawn inlan leh dawn ta a ni.
An hla thar tur sap hla 'Home' hi Parema hla dawnte zinga mi a ni a, Fakna hla niin The Breeze bassist Bruce Pachuau-in a produce dawn a, he hlaah hian Eric Renza (The Prophets guitarist), Samuel (The Prophets keboardist) leh Ben Opa-te sul hnu pawh hmuh tur a awm dawn. Recording chu Kings and Prophets studio-ah an ti a, Screenfarm Productions-in video an siam sak bawk.
Eglaim chuan an hla thar tur chu a mawi loh hlauin theihtawp chhuah mah se an theih ang tawka Pathian chawimawi a, a ropuina puan chhuah chu an dah pawimawh zawk tih an sawi a, an hla thar tur chu ngaithlatu pakhat talin malsawmna an chan an besei bakah Pathian ropuina atana an hlan thu an sawi.
Eglaim line-up
Vocalist : Dinai
Guitarist : Remruati Sailo
Bassist : Tetei
Keboardist : Dinmawii
Drummer : Zuali