Pakhatnaa a vawi thum awmna Jason Aldean

Country music hi US-ah chuan a hlu reng a nih hi maw, Billboard 200 chart-a pakhatna luahtu pawh country singer hlawhtling Jason Aldean a ni.

Billboard 200 chart-a Jason Aldean chu a vawi thum nan a rawn lang leh a, a album thar 'They Don't Know' hmangin pakhatna a rawn luah. 'They don't know' album hi Jason album-a studio album pasarihna a ni a, Billboard 200-a pakhatna luah thei a album pathumna a ni. He album hi kar liam ta chhung khan copy 138,000 lai a hralh a, heng zinga copy 131,000 hi album pangngai a ni a, a dang chu album tlukpui a ni.

'The don't know' hi Billboard 200 chart-a kum khat deuh thaw hnua country music album, pakhatna rawn luah nghal thei a ni. Hei bakah, Jason Aldean-a album tihchhuah hnuhnung pathumten pakhatna an luah nghal thei vek bawk. Kum 2014 khan Old Boots, New Dirt album chu pakhatnaah a awm nghal a, kar khat chhungin copy 278,000 lai a hralh a, kum 2012 khan Night Train a ti≠chhuak bawk a, he album hi kar khat chhungin copy 409,000 lai a hralh a, a album tih≠chhuah tawha kar khat chhunga a hralh hnem ber a ni.

Drake a tlahniam tak tak thei lo a, pahnihnaah a album Views kha a la awm a, copy 59,000 lai a la hralh. Kar hmasaa pakhatna, Travis Scott-a album 'Birds in the trap sing McKnight' chu a tlahniam nasa hle a, paruknaah a tla thla.

Billboard 200

"They Don't Know" - Jason Aldean (138,000)

"Views" - Drake (59,000)

"Suicide Squad: The Album" - Various Artists (52,000)

"Wild World" - Bastille (43,000)

"Signs of Light" - The Head and the Heart (40,000)

"Birds in the Trap Sing McKnight" - Travis Scott (II) (38,000)

"Live at the Hollywood Bowl: Eight Days a Week - The Touring Years"

- The Beatles (36,000)

"Acoustic Recordings 1998-2016" - Jack White (32,000)

"Dangerous Woman" - Ariana Grande (30,000)

"Dig Your Roots" - Florida Georgia Line (30,000)