Thangromawia A hmun ngai pakhatnaah bawk a rawn kir!

Music video a tichhuak leh a, pakhatnaah bawk a awm leh! Thangromawia tan, lengzem huang chhungah chuan pakhatna hi a hmun ngai a ni ber e. A music video thar 'Chhing mitin' tih chu pakhatnaah a rawn kai ta.

Kum 2014 khan 'Phu loh lung di' tih hla hmangin chart-ah pakhatna a rawn luah a, ṭum hnih lai pakhatna a luah nghe nghe. Kumin khan 'Chhing mitin' tih music video a rawn tichhuak leh a, kum khat a liam hnuah a hmun ngai, pakhatnaah bawk Thangromawia hi a rawn chuang chhuak leh.

Thangromawia hian nikum khan 'Hmangaihna aia rosum' tih hla a tichhuak a, mahse he hla hmang hian pakhatna a luah pha lo. Kuminah ṭan a la a, hla hlui, 'Chhing mitin' tih hla a rawn tichhuak a, a hlawhtlinpui mek. July 25 aṭang khan Hontrade International Ṭhazual Lengzemah a rawn lang ṭan a, pakuanaah kan hmu. August 8-a chart tihchhuah lehah khan pariatnaah a chho a, August 22 kha chuan pathumnaah a invawrh chho tawh a ni. September 9 khan pahnihnaah a kai chho a, tunah chuan pakhatna a luah ta.

Pakhatnaa vawi thum lai a awm hnuah DJ Lalvenhimi hla, 'Ṭhian rinawm' chu pahnihnaah a chhuk thla a, Rachel Lalnunkimi hla 'Ka phur zo lo' chu pathumnaah a rawn kai thung. Pangana aṭangin F. Zomuanpuia chu palinaah a rawn chuang chhuak a, Josephine Lalawmpuii chu pathumna aṭangin panganaah a tla thla ta thung.

Top 10-ah a thar pahnih kan hmu. Pakhat chu Tharpuia hla 'Ka hmangah reng ang che' tih a ni a, pakuanaah bul a ṭan a, Ruatpuii Rokhum ft. Project Fishtail 'Lenglai a rual lo' chu 10-naah kan hmu bawk. Top 10 aṭangin Sangkimi Khiangte leh Lancy & Omomi te an chhuak.

Hontrade International Ṭhazual Lengzem

1 Thangromawia - Chhing mitin

2 Dj Lalvenhimi - Ṭhian rinawm

3 Rachel Lalnunkimi - Ka phur zo lo

4 F Zomuanpuia - Min hnem la

5 Josephine Lalawmpuii - I lo ni reng si

6 C Sanga - Kan ram tan I thawk ang u

7 Sangkimi Khiangte - Lunglam ka vai

8 Feli Fanai - Ti ve mai la

9 Tharpuia - Ka hmangaih reng ang che

10 Ruatpuii Rokhum ft Project Fishtail - Lenglai a rual lo