Sully bawkin ropuina a la chang

Tom Hanks-a channa Sully bawk chu box office aṭanga sum lalut hnem a ni leh. Kar liam ta chhung khan movie thar chhuak a awm nual a, Edward Snowden-a chanchin film-a siamte pawh an tichhuak a, mahse Sully khing thla zo an awm lo.

Sully hian kar tawp ni thum chhung khan USD mtd 22 lai a hmuh belh leh. Tuna pawisa a hmuh belh lehte nen hian Sully hian US-ah USD mtd 70.5 lai a hmu tling tawh a ni.

Lionasgate film, Blair Witch chu pahnihnaah a awm a, he movie hi chhuah thar a ni a, pakhatna a luah zo lo. Kar liam ta kar tawp chhung khan USD mtd 9.7 chauh a thawk chhuak thei. Box office top 10-ah hian movie hit, blockbuster ang chi a awm lem lo a, thawnthu nei ṭha tak erawh an ni hlawm. Blair Witch hi sum hmu tlem hlea kan ngaih laiin, a budget aṭanga thlir erawh chuan sum a hmu hnem viau. USD mtd 5 senga siam a ni.

Movie thar tho, Bridget Jones's Baby chuan USD mtd 8.2 a lalut a, pathumnaah a awm a, Renee Zellweger bawk a chang leh. Bridget Jones's Dairy ang em chuan a hlawhtling ta lo deuh. US national security thil hai chhuak a, pho≠chhuaktu, Edward Snowden, US-in man a duh, Russia-in a hum tlat pa chanchin Snowden chu panganaah a lang a, USD mtd 8 a lalut.

Box office movie

"Sully" - $mtd 22

"Blair Witch" - $mtd 9.7

"Bridget Jones's Baby" - $mtd 8.2

"Snowden" - $mtd 8

"Don't Breathe" - $mtd 5.6

"When the Bough Breaks" - $mtd 5.5

"Suicide Squad" - $mtd 4.7

"The Wild Life" - $mtd 2.7

"Kubo and the Two Strings" - $mtd 2.5

"Pete's Dragon" - $mtd 2