Ariana Grande album tharah The Weeknd

Ariana Grande chuan a album thar tihchhuah tur 'Positions'-ah The Weeknd a thawhpui.

Kum 27 mi Ariana hian Zirtawpni hian a album thar hi a tlangzarh dawn a, a studio album parukna tur ni tawhin tun kar tawpah khan tracklist a puangzar a, zaithiam hrang hrang a thawhpui tur zingah The Weeknd hming pawh hi a lang a ni.

The Weeknd bakah hian ‘Starboy’ hitmaker, Doja Cat leh Ty Dolla $ign-te a thawhpui bawk.

Ariana hian Inrinni zanah khan social media-ah a album thar tur track listing hi a tarlang a, hla 14 a awm dawn a ni.

Doja Cat hi 'Motive' tih hlaah a zaipui a, ‘Off The Table’ chu The Weeknd nena an sak dun niin  ‘Safety Net’-ah Ty Dolla $ign a thawhpui bawk. Grande hian October 23 khan a album title track 'Positions' hi single-in a tichhuak tawh nghe nghe a ni.