Rebecca Lallawmsangi music video thar kan hmu dawn

'I hlui lo' leh 'Call Girl' hla hmanga Zoram mipuite min lo awi tawhtu, Rebecca Lallawmsangi chuan music video thar 'Dam Dam' a tichhuak dawn.

'Dam Dam' hi Peka phuah a ni a, music chu Pee Bee kutchhuak niin video erawh Andrew Lalbiaknunga kutchhuak a ni thung. MDM Library lamah a hla thar hi a dah lut tawh a, Zonet leh YouTube lamah en theihin a awm thuai dawn a ni.

Rebecca Lallawmsangi hi tunge a nih inhmelhriat nawn tir a ngai lo a, YouTube-a hla leh video dang a dah apiang chu kar loah nuai chuangin an thlir thuai ṭhin a, hei hian ngaihventu a ngah tih a tichiang hle. Tuna a hla thar pawh hi a 'hit' leh hle ang ti ila kan sawi sualin a rinawm loh.