31st annual Screen Actors Guild Awards sem

31st annual Screen Actors Guild Awards chu Pathianni liamta khan Shrine Auditorium leh Expo Hall, Los Angeles-ah sem a ni a, Netflix aṭanga live stream-a pek chhuah a ni bawk.

Award semna inkhawmah hian Kristen Bell chu host a ni a, a film channa 'Nobody Wants This' aṭangin 'Best performance by a female actor in a comedy series' category-ah nominee a ni bawk.

Category ngaihhlut hlawh ber 'Best Ensemble Cast' chu kumin atan 'Conclave' in a dawng a, 'Outstanding Performance by Male Actor in a Leading Role' chu Bob Dylan 'biopic' "Complete Unknown" changtu Timothée Chalamet-a'n a dawng a, SAG Award-a best actor dawng thei naupang ber a ni. 'Outstanding Performance by Female Actor' chu Demi Moore-in "The Substance" film hmangin a dawng bawk. Kumin SAG Awards-ah hian Television caterogy-ah "Shogun" che ṭha berin award pali a dawng a, Shogun changtu Hiroyuki Sanada leh Anna Sawai te hian 'best lead and lead actress' chu 'Drama series' huangah an la a ni.