Korn Bassist 'Fieldy'-a'n 2019 hnuah bandmate-te be tawh lo

Korn dinchhuaktu zinga mi leh an bassist ni bawk, Reginald "Fieldy" Arvizu chuan band aṭanga a chawlh hnuah a bandmate-te nen an inbiakzui ngai tawh loh thu 'Basement Talk' podcast-ah a sawi chhuak.

Fieldy chuan, "2019 hnu aṭang khan ka bandmate-te hi ka be pawp tawh lo, anni pawh hmalam panin an kal zel a ni" tiin a sawi. Korn band-ah hian Fieldy hi 1993-a din tirh a nih aṭang khan telin studio album tih chhuah tawhte pawh Fieldy ho-a zawhfel vek a ni bawk. Fieldy chawlh hnu lawk 2022-a tih chhuah 'Requiem' album-ah pawh khan bassist anga tarlan a la ni. Band a chawlhsan chhan sawiin Feldy chuan," Band-te nen hian stage-ah min hmu tawh kher lo ang, hengte hi a ṭha zawnga hmalam pan ka duh vang leh chin ṭhin ṭhalo te tih reh ka duh vang a ni" tiin a sawi. Fieldy hian band a chawlhsan hnu hian 'Suicidal Tendencies' bassist Ra Díaz chuan a hmun ruak a hnawhkhah sak a ni.