Kum 2020 chhunga UK-a zaithiam 'google' hlawh ber Shakira leh Kanye West

Kumpinu lalram United Kingdom-a kumin, hripui lenpui kuma artist mipa google-a tam ber chu Kanye West a ni a, Shakira chu hmeichhia artist zawn hlawh ber a ni thung.

Kanye West hi US lamah chuan artist mipa an Google tam zual 10 zingah pawh a lang pha lo a, US President thlana a vote hmuh tam lohzia pawh kan hre tlang awm e. UK lamah erawh a tlana thawkhat tih a hriat a, a ni aia artist mipa an Google nasat a awm lo a ni.

Zaithiam chuai hleihthei lo, kumin Super Bowl Halftime show-a show hmuhnawm turu khawvel entirtu Shakira chu UK-a chengte'n hmeichhe artist an Google nasat ber a ni. A lar tirh atang chuan /hang hnih lian zet a liam tawh ang, mahse khawvelin a la hmu kham lo a, tunah pawh hian a lamna video chu nasa takin a viral leh mek a, a lam dan entawmin social media-ah nula tam tak an lam leh luai luai tawh!

UK leh US a hlathu an zawn nasat ber chu Cardi B leh Magan Thee Stallion sak WAP kha a ni. He hla larzia hi chu kan hre tlangin a rinawm a, a music video leh a hlathu erawh naupang ngaihven chi a ni lem lo ang!