Hun Harsa film tlangzarh

Biate Literature and Drama Club film siam, Hun Harsa tih chu Thawhlehni zan khan zaithiam, DJ Lalvenhimi chuan a tlangzarh a, DJ Lalvenhimi hi art lama Zofate hmelhriat khawpa hlawhtling, khawchhak chhuak zinga mi hmingṭha a nih avangin chawimawina thuziak an hlan nghal bawk. Film hi Biate-a Zialung Community Hall-a tlangzarh a ni.

Hun Harsa hi kum 1962-a India leh China indo lai behchhana siam a ni. India leh China indo a hnai hle a, chutih≠lai chuan ṭhian pali hi luiah an kal a, an hotupa ber awm loh laiin an lo insual a, pakhat a thi ta a ni. A kawng chin hre ber a thih tak siah chuan hawna tur kawng an bo a,an bo lai chuan indona a lo thleng a, tuman anmahni zawngin an chhuak thei si lo a, hun harsa tak hnuaiah an tawlh lut ta hlawm a ni. He film hi mi 60 velin an chang.

Biate Literature & Drama Club hian kum 2012 khan 'Thih thleng pawhin' tih film an lo siam tawh a, tuna mi an film siam pahnihna a ni. 'Hun Harsa' film hi chan turin Zomawia Khiangte chuan a script a ziak a, H. Malsawmthanga'n a direct a, H. Lalzirmawia leh Zomawia Khiangte chu Co-director an ni.