Jolie leh Pitt Inṭhenna thu an sawi ri ta tlat mai

Nupa induh ‚wm tak angin an lang a, mahse a landan ang a ni loh hmel. TMZ-in a tarlan dan chuan Angelina Jolie hian Brad Pitt a
ṭhen theihna turin inṭhenna dilna court-ah a thlen.

Insawi rem a, dan anga an inneih tak hi chu kum hnih kal ta chauh kha a ni. An han inneih tak tak chinah chuan an beisei ang a ni lo a ni niang, Jolie chuan dang≠lamna sawi rem theih loh an neih chhuanlamin inṭhen a dil ta a ni.

TMZ-in lehkha pawimawh, Jolie leh Pitt te chungchang a hai chhuahah chuan Jolie hian inṭhen a dilnaah hian Pitt-a hnen aṭangin amah emaw, fate enkawlna tur sum engmah a phut lo a, inṭhen kha a duh ber a ni. TMZ-in a puan chhuah hnu hian Jolie dan hre mi, Robert Offer chuan he thu hi a dik tih a puang zui ve bawk.

Jolie leh Pitt te hi kum 2003-a Mr. & Mrs. Smith an chan aṭang khan an inngaina ṭan a, Brad Pitt hian a nupui, Jennifer Aniston a ṭhen phah ta hial a ni. Dan hmaa an inneih hnu hian Hollywood lama movie chan avang te, Jolie-i'n khawvel hmun hrang hranga raltlan a tlawh kual leh an tana a thawh avangtein an inhmu mumal meuh lo. Nikum khan By The Sea film an siam dun a, he film hi nupa tuak khat, inneihna hlim lo tak chanchin a ni. An pahniha official-a an hmuh hnuhnun ber chu nikum November thlaa an film siam an khuhhawnnaah a ni.