Hla phuah thiam Zoremi Colney Kan chân ta

Mizo lengzÍm khawvela hming chuai tawh lo tur, kuthnu ngah tak, Zoremi Colney chu Thawhlehni zan dar 7:00 pelh hret khan TB natnain a chÍnna Reiek khuaah a thi.

Zoremi Colney hi nikum February thla aṭang khan natnain a tlakbuak a, lunga thisen khang avangin enkawl a ni a, phai lam damdawi inte pawh pan a ngai hial a, mahse beidawngin an rawn haw a, a hnuah Pathian tihdamna a chang a ni. Kumin July thla aṭang khan a thaw a hah a, enkawl dam a nih hnuah a Blood Pressure namen loin a hniam leh a, a chak lo chho tial tial a ni. Thawhlehni khan Referal Hospital, Falkawnah kalpui a ni a, a khak exam a ni a, TB natna a nei tih hmuhchhuah a ni a, a natna tuar lo hian hemi zan hian a thi ta a ni.

Thu leh Hlaah a tui hle a, hla ṭha≠hnem tak a phuah. Nikum khan a hla phuah hrang hrangte chu zaithiam hrang hrang saktirin album-a siam a ni. A hla phuah tam tak chu zaithiam hrang hrangin an sa a, a larin a hlawhtling hlawm hle nghe nghe. Ṭhazual chart-a top pahnihnaah pawh lang, Josephine Lalawmpuii sak 'I lo ni reng si' tih te, Rebecca Lallawmsangi sak 'Di enchim loh', Abby Chawngthu sak 'Min chhang ta che', Zorinzuali sak 'Nang ang', Zualbawihi sak 'Ti em em lo hian' tih leh 'Tiamthu s˚t hmang' te, Priscilla Fanai sak 'Lung ka chhir lo' tihte kha a phuah a ni. Lengzem hla bakah Pathian fakna hla eng emaw zat a phuah bawk.