Zuckerberg-a'n natna do nan USD tld 3 a thawh

23rd September, 2016

Facebook neitu Mark Zuckerberg leh a nupui, Priscilla Chan te chuan natna hrang hrangte tihdam a nih a, a bo theihna tura research neih nan USD tluklehdingawn thum zet an thawh.

Mark Zuckerberg te nupa hian natna do nana sum, USD tld 3 a thawh thu hi San Francisco-ah an puang a, "Kum kaltate khan mithiam ṭhenkhat, natna a tihbo theih a ni tih ringtute nen thil hrang hrang kan sawi a, pawisa hi kan thawh ta a ni," an ti.

Mark leh Chan te hian nikum kum tawp lam khan fanu, Max an nei a, fanu an neih hnu lawk hian Facebook-a share an neih aṭanga za zela 99, chu chu USD tld 45 zet chu mihringa theihna tihpun nan leh, intluktlanna a awm theih nan an lo thawh tawh bawk.