Hma an lak dan tur tlangpui

Tuna USD tld 3 zet an thawh thu hi Nilaini khan Mark te hian an puang chhuak a, an thil tum ber chu natna hrang hrangte tihdamna zawn a nih thu an sawi. A nih loh pawn, thihpui ngei tur natna te pawh enkawl dam theih natna a lo chan theih nana hmalakna tur a ni an ti. Pawisa an thawh hi kum sawm dang lo kal leh tur atan a ni a, natna tihdam hi tun kum zabi chhunga tihhlawhtlin a nih theih nana hmalakna tur a ni.

Priscilla Chan chuan an fanu, Max dam chhung ngeia natna zawng zawng tihdamna zawn hmuh tumna hi naupangte an damloh theih tawh lohna tur ni loin, damlohna a thlen tlÍm lehzual a, damlohna khirh leh nasa a tlem theihna tur a ni a ti.

Pawisa an thawh aṭanga hma lakna hmasa ber tur chu San Francisco-a Biohub din nan a ni. He hmun siam nan hian USD mtd 600 vel sÍn beisei a ni a, mithiam rual an thawk ang a, natna hrang hrangte an zirchiang ang a, a tihdamna tur te, natna hnathawh a nÍp theih dan turte an zirin an ngaihtuah ang.