Malayalam movie-ah Game of Thrones actor a chang

Prithviraj Sukumaran-a film thar, ‘L2: Empuraan’-ah Game of Throne actor, Jerome Flynn a a chang. He film hi 2019 blockbuster chhunzawmna niin, a lead role hi Mohanlal in a chang a ni.

Sukumaran chuan ‘L2: Empuraan' ah English actor Flynn a chang ve tih hi Pathianni khan a puang a, he film-ah hian Boris Oliver lemah a chang tih a sawi. Film poster a ti chhuak a, hemi hma hian video clip a dah bawk. He video clip-ah hian Flynn chuan Boris lema a chan thu hi rawn sawiin, he film-a a chang chu a lawm thu leh, UK leh US-a experience a lo neih tawhte nena a danglam thu a sawi. Mollywood culture tel ve chu thil special tak a ni, a ti. Jerome Flynn hi Game of Thrones-a Bronn lem a chan aṭangin hriat a hlawh hle a ni.