Card game Balatro age rating tih hniam sak

Pan European Game Information (PEGI) chuan smash hit poker roguelike game, Balatro age rating chu 18+ a pek tawh chu 12+ ah a ti hniam tih a puang.

PEGI hian Europe-ah Balatro game hi age rating 18+ a pek avangin ngaihven a hlawh hle a, poker game tak tak nen inanna pawh a ngah nia sawi a ni. Player-te chuan Balatro game aṭanga an thil hriatte chu poker khelhnaah an hmang thei nia sawi a ni. Hei vang hian age rating pek chungchangah appeal a ni a, PEGI chuan ennawnin 12+ ah a dah ta ni. Balatro bakah game dang, Luck Be a Landlord age rating pawh siam danglam a ni bawk. PEGI chuan gambling games chungchangah a policy a ennawn dawn tih a sawi. Balatro hi 2024-ah a lar hle a, Golden Joysticks-ah Best Indie Game atan thlan niin, The Games Awards-ah Best Mobile Game ah thlan a ni bawk.