SKorea-a lei chimah mi 2 an thi

South Korea-ah nimin khan lei dawh lai a chim a, mi pahnih an thi a, mi dang pangain hliam an tuar.

Lei chim hi South Korea khawpui, Seoul chhim lam km 65 vela hla, Anseong khuaa mi, Seoul leh Sejong inkalpawhnaa awm niin zing dar 9:50 velah a chim a ni. A chim lai hian lei hnuaiah hnathawktu mi 10 an awm a ni. Lei chim chhan tak hi hriatchian a la ni lo.

Acting president Choi Sang-mok chuan rang taka chhanchhuah hna thawk tur leh, chhiatna thlen dan chhui chiang turin thupek a ti chhuak nghal a ni.

South Korea labour ministry data-a lan danin, kum 2020-2023 inkar khan an ramah hnathawhna hmuna chhiatna thleng kaihhnawihah thawktu 8,000 chuang an thi a ni.