HBO 'Harry Potter' series-ah John Lithgow

JK Rowling lehkhabu behchhana siam, HBO-a 'Harry Potter' TV series-ah Hogwart School of Witchcraft and Wizardry headmaster, Albus Dumbledore lemah John Lithgow a chang dawn. A role chan tur hi thla tir lamah khan tih fel a ni tawh.

Harry Potter film hrang hrangah hian Dumbledore lema chang pahnih awm tawhin, Richard Harris chu he role chang hmasa ber niin 2002 khan a thi. Hemi hnu hian Michael Gambon chuan he role hi a chang velehin, 2023 khan a thi veleh a ni. Lithgow hi Dumbledore lem chang thei pathumna tur niin lemchan lamah hnuhma a nei ṭha hle a, Emmy award a dawn tawh bakah Oscar nomination pawh a lo hmu tawh bawk. Tun hnaiah pawh Conclave, The Crown, The Old Man, leh Jimpa-ah te a lo inlan tawh a ni. Harry Potter series thar hi kumin nipuiah shooting neih ṭan tum niin, JK Rowling lehkhabu pasarih hmanga lo siam tawh aiin chipchiar leh famkim deuh zawkin project tharah hian siam tum a ni.