Gracie Abrams hnenah Hal David Starlight Award

American singer/songwriter, Grammy nominee Gracie Abrams chu 54th Annual Songwriters Hall of Fame Induction and Awards Dinner, June 12-a neih turah Songwriters Hall of Fame(SHOF) chuan Hal David Starlight Award a hlan dawn.

Hall David Starlight Award hi kum 2004-a siam ṭan niin, hla phuahthiam naupang zawk, an hla phuah ngei hmanga music industry-a nghawng nei liante chawimawina atan hlan a ni ṭhin. Award hi SHOF chairman, Oscar- and Grammy-winning lyricist Emeritus Hal David hming chawia phuah a ni. Kum 25 mi, Abrams hi kum 2024 khan Grammy best new artist nomination-ah a lang a, kuminah best pop duo/group nominee a ni leh bawk. Hal David Starlight Award lo dawng tawh zingah hian SZA, Post Malone, Lil Nas X, Halsey, Sara Bareilles, Ed Sheeran leh Nick Jonas te pawh an tel.